შუა და ქვემო გურიაში (სოფ. ბახვი, ბაღდათი, შრომა და სხვ.) ფართოდ არის გავრცელებული ძლიერ მოსავლიანი ჯიში, ე. წ. ნაკაშიძის ჯანი. აღნიშნული ჯიში თავისი ამპელოგრაფიული და სამეურნეო-ტექნოლოგიური თავისებურებებით არსებითად განსხვავდება გურიის ჯანისაგან. ადგილზე წარმოებულმა გამოკვლევამ ცხადყო, რომ ეს ჯიში სოფ. შრომაშო (მახარაძის რაიონი) პირველად შემოიტანა ყოფ. მემამულემ ნაკაშიძემ და როგორც უხვმოსავლიანი, იგი შემდგომ მასობრივად გავრცელებულა მეზობელ სოფლებშიაც, მრავალი წლის მანძილზე წარმოებული დაკვირვებით დადასტურდა, რომ ნაკაშიძის ჯანი ფრანგული ჯიშის _ არამონის ვარიაციას წარმოადგენს.
ციტატები მაქსიმე რამიშვილის წიგნიდან _ "გურიის, სამეგრელოსა და აჭარის ვაზის ჯიშები" (გამოცემულია 1948 წელს).
http://forum.vinoge.com/index.php?showtopic=78&mode=threaded&pid=5679
|
... 1898 წლის ივნისის ექვს სოფელ ენისელიდან ხომლელი წერს: „იაკო, შენი წერილი ერმილე ნაკაშიძემ მომიტანა კვირას, 31 მაისს და ძალიან გამეხარდა. მეტისმეტად გამახარა იმ შესანიშნავმა გარემოებამ, რომ შენ საჯარო სიტყვა წარმოგითქვამს ქ. ფოთში ჭალადიდელის ცხედარის წინაშე. დ. ბაქრაძე, რომ გარდაიცვალა, მაშინ აკაკიმ მითხრა, რომ რა არის, სულ ჩვენ ვამბობთ სიტყვსო, ერთიც თქვენ - ახალგაზრდების წარმომადგენლებმაც გაგვაგონეთ თქვენი ხმა საქვეყნოთო.
აკაკიმ როცა შენი გამოსვლა გაიგო ძალიან გახარებული იყო შენი გამბედაობით".
ს. ფანცხავა
აკაკის მეგობრები
ჟურნალი "მნათობი", 1960 წ. 9 სექტემბერი. გვ. 82-90.
http://publish.dlf.ge/vaxtangvi/akakicereteli/AKAKI%20DA%20QUTAISI/akakis%20cxovrebis%20epizodebi%20qutaissi/s.%20fancxava%20-%20akakis%20megobrebi.htm |
....როგორც ცნობილია, არსებობს ოლღა გურამიშვილის წერილი, რომელშიც იგი მკვლელების შეწყალებას ითხოვს. აწ განსვენებულმა გურამ შარაძემ ოლღას მიერ მარჯორი უორდროპისადმი მიწერილი წერილი აღმოაჩინა, სადაც ატყობინებდა, რომ წერილი დააწერინეს და თუ ვინ, ამას პირადად შეხვედრის დროს გაუმხელდა. ოლღას იაკობ გოგებაშვილმა, ილია ნაკაშიძემ და გიორგი ლასხიშვილმა უთხრეს, რომ ილია სიკვდილით დასჯის წინააღმდეგ იბრძოდა და ამიტომ დაწერეთ წერილი იმათი შეწყალების თაობაზეო. ოლღა დათანხმებია. ტოლსტოიმ რომ გაიგო ოლღას გადაწყვეტილება, დიდად მოეწონა და გაუკვირდა, როგორ მოხდა მსგავსი ამბავი საქართველოში. ერთ-ერთ რუსულ გაზეთში მან დაწერა, რომ ზნეობრივი მზე აღმოსავლეთიდან ამოდისო....
http://forum.rustavi2.com/lofiversion/index.php/t5948-500.html
|
|
