მკვლევართა ვარაუდით, ნაკაშიძეთა გვარი არაბული წარმომავლობისაა. ქართული მატიანეს წყაროებში იგი 736-738 წლებიდან მოიხსენიება. ოზურგეთის რაიონის (მუნიციპალიტეტის) სოფელ გურიანთაში (გური ნაკაშიძის საპატივცემულოდ სოფელს გურიანთა უწოდეს), ისტორიული ვაშანარისა და ციხისფერდის მიდამოებში დღემდეა შემორჩენილი ნაკაშიძეთა საგვარეულო ციხესიმაგრისა და სასახლის ნაფუძარი. საგვარეულოს ასოციაციის პრეზიდენტის, პედაგოკის მეცნიერებათა დოქტორის რევაზ ნაკაშიძის თაოსნობით, საგვარეულო ფონდის ზრუნვა-მოწადინებითა და შემოწირულობებით აღდგენილია ღვთისმშობლის შობის სახელზე აგებული ეკლესია. 2008 წლის 20 ნოემბერს ეკლესია რამდენიმე საუკუნის გასვლის შემდეგ ხელმეორედ აკურთხა შემოქმედის ეპარქიის მიტროპოლიტმა მეუფე იოსებმა (გიორგი კიკვიძე) სამღვდელოების და დეკანოზ მამა ბასილ კვირჩილაძის მონაწილეობით, რომელიც ეკლესიის ხშირი სტუმარი იყო.
aa
|